|
SubscriptionsSites I Read
|
|
|
|
| <<阿凡達>> 完整看後感
從來從來都未曾嘗試過,看罷一套電影後久久而未能忘懷
使我從戲院走出至大街後,在身體抵受著寒風之侵蝕時,
口中仍滔滔不絕,唸唸有詞地表達我對此戲之體會長達十數分鐘
那種欲罷不能,簡直有如便秘多日而終能開懷釋放之感,不吐不快
在那短短十數分鐘,我的思緒就有如百川奔流而不息,飛流直下三千尺
口中無數字句一湧而上,傾巢而出,紊亂不堪,雜亂無章
久經思量,決意盡我之所能,整合戲中所感,心中所想,寫下此簡短戲評與體會
唯恐當中言詞過於粗俗,還望見諒~
不能不佩服占士金馬倫,係呢套戲入面佢完整咁刻畫出另一個世界
小至一花一草,大至群山百川都能夠展現得細膩無遺
氣勢之磅礡,波瀾之壯闊,宏偉,壯觀,靚,真,正,妙,勁
FANTASTIC,AMAZING, MARVELLOUS,,,
老套D講句就係非筆墨所能形容
彷彿帶我進入左一個真實存在既世界,猶如親歷其境...
當然,呢D都係有賴於3D特技,同埋帶多左副眼鏡
但係空有昂貴3D特技,而缺乏左動人心弦既情節
又豈能令我有如此多般感想
電影除左帶來左感官視聽既刺激,其表達既意義尤為深遠
坦白講句,內容本為老生常談,就係地球人侵略外星人
占士哥除左串9地球人既劣根性(當然首指美國佬),
為左錢,資源不擇手段,訴諸戰爭暴力同埋帝國主義擴張之外
亦表達出,就算人類科技發展至極致,仍難敵自然既力量
土著大戰機械人,根本冇得FIGHT,,,,,
但係眾志成城,齊心協力,邪終不能勝正...
何謂正邪,實難介別...
站係美國佬立場,搵錢至上,大條道理,打巢你個成個星球都仲得
站係外星人果邊,比人入侵家園,圍起反抗都係大條道理
而當有一日,事情發生係你身上
你站係佢地當中,你又會點抉擇?
故事最後,男主角揀左佢想要既野....
然而無論呢套戲票房幾好,有幾為人津津樂道,
大家睇完之後只會當作一場FUN,世界仍舊如常地RUN
世界和平??IT'S JUST A FAR AWAY DREAM~
題外話....
我同珊珊一直係度討論究竟套戲既中文譯名點先叫好
因為阿凡達只係音譯,毫無神韻....
以下係YAHOO字典解釋
Avatar
【電腦】(術語)指在虛擬實境中互動地呈現一個人
以下係曾經討論過既名
地球侵略戰--外星人絕地反擊
地球男與外星女的故事
帝國主義的末落
靈與肉的結合
最後,,,,,珊珊講左: 外套
laugh die me... | | |
| 時間越來越少
面對既事相反越來越多
壓力壓力,成日都呷好大壓力
你同人呻,條友會同你講 :
洗唔洗幫你報警阿?係咁架喇!
其實呢個世界既法則就係咁
人長大就必須面對殘忍既現實
否則,你只會活係自己營造既角落,被世界唾棄
還是,你本人非常之咁有自我~
中意幾時食就幾時食,幾時痾就幾時痾!
I AM SORRY...
我自我好大,但係我膀胱更大,,,,,
你同我講要走出框框
I CAN'T AGREE WITH YOU ANYMORE!
YOU ARE DAMN RIGHT!
| | |
| 2012 末日預言
以下內容可能會有少許劇透,請勿見怪~
BTW,,,睇完套戲,,,得到以下感想
如果你係一個頂尖科學家,比較理想係物理,地質學家(純正美國佬會更優)
或者係超級有錢佬,超級天才,擁有超良好基因
甚或至對任何一種領域上有超凡貢獻既人
咁以下內容就可以SKIP,THAT IS IT~
故事當然係發生係美國,依照美國災難片既拍法,,,
首先主角係比較上算係一個普通人...
身無長技,,除左識寫多幾隻字之外...
跟住當災難發生果陣,,佢就會好似特工上身咁,
正確d黎講,要好似果套救參96小時(Taken)果種先算合格~~
由屋企出發,揸住部bentley,跨越左一整個正在下陷既城市~
當然,,揸bentley係比較合理,始終都係名車嘛~~夠硬!又夠快!
之後就一連串既屎忽撞棍,比佢執番條命仔,,最後死唔去,,,
講到呢度,都透露左好多....
總括黎講,倘若真係末日來臨既時候,,,,
如果你唔識忽然特工上身,又或者你唔識揸車,,
甚至乎連求其是但一隻賽車game都未玩過~~
唔識屎忽撞棍,連續撞左幾次果隻~~
咁都無謂諗咁多野,不如坐係屋企,搵埋三五知己
吸埋一生最後一啖煙,飲埋一生最後一口酒
爬埋一生最後一啖飯,痾埋一生最後一篤屎
whatever,,做嘜叉野都好
總之唔好再作無謂掙扎喇,,慢慢等死喇~~
最後補充既係,套戲係幾好睇~
| | |
| 世上有種狀態叫做雙位數字
講出黎好簡單,又幾複雜...
總之就係又複雜又簡單咁...
當你維持呢種狀態生活果陣...
會成個人都好緊張,想放鬆,但係又放鬆唔到...
心入面會不斷諗緊同一樣野,當然你唔想去面對,想逃避...
但係佢又會不其然咁出現係你心入面,,,纏繞不離...好痛苦...
係一種好抽象,好扑索迷離既意識形態....
你會茶飯不思,食唔安,坐唔落,失眠緊張...潮熱汗多
聽起上黎唔知係咩黎,,但係我今日禁一禁櫃員機...
我........有雙位數字
| | |
|
